Атаархал чи надаас савраа тат
Анд олны минь дунд яс бүү хая
Атигар биеийг чинь би мушгиад
Авсанд хийгээд булшилж орхино шүү чамайг
Шунал чи надаас сүүдрээ ав
Шударга амьдралаас минь шалавхан холд
Шулмын биеийг чинь би сийчээд
Шуумар болгон шатааж орхино шүү чамайг
Уур хилэн чи надаас зай барь
Ухаант бодьгал шинжийг минь араатан бүү болго
Утсан улаан амийг чинь тасар татаад
Устгаж орхино шүү хэнэг ч үгүй
