Шөнө дунд тэрлэсэн нь
Эрээн болсон зузаан ноорогноос
Энгийн таталсан үгс тодров
Эртний гэнэхэн дурсамж дундаас
Энхрий түүний царай гэрэлтэв
Харц чинь надруу сум харваагүй
Харин оронд нь гранат шидсэн
Нүд чинь зүрхэнд минь сум зоогоогүй
Нүцгэн цээжин дээр минь мина дэлбэлсэн
Бас болоогүй ээ чи ханаагүй
Бага багаар өөртөө намайг дасгасан
Тэгээд зогсоогүй ээ чи орхиогүй
Тэвэрч үнсээд намайг тамд унагасан ....
2009.09.25 Токио гэртээ Цамхаад Энхбаяр
