Яг энэ өдрийг би хоёр мянган өдөр хүлээсэн
Ялдам инээмсэглэл ,уянгалаг хоолойг чин төсөөлөлөн
Ядаж хаана байгааг чин мэдэх гэж хоёр мянган өдрийг
Ямар ч охинд зүрхээ өгөлгүй ганцаар орондоо хөрвөөн өнгөрөөсөн
Өнгөт шилнийх нь цаанаас нүд нь бүдэг харагдсан
Өөртөө итгэлтэй булчинлаг залуу таалагддаг гэж
Өөдөөс минь хариулахдаа чи инээж байсан ч
Өөрийн эрхгүй тийм л болохыг мөрөөдөн хоёр мянган өдрийг өнгөрөөсөн
Олон ангитын эсрэг дүрийн хүүхнийг бүгд л үзэн ядаж
Олиггүй амьтан гэж муулдаг болдог бол чи эсрэгээр
Оронд өөрийгөө тавин ойлгохыг хичээдэг байсныг
Одоо болтол кино үзэх бүртээ огтхон ч марталгүй санаж байна
Xөөрхөн дүү минь чамтай амьдаа болхоор
Хөсөр хаяад таг мартая гэсэн ч би чадаагүй
Хөөе ... гэж дуудах бүртээ чамайг санан дурсамж сэдрэн
Хөшөө шиг чамруу л харсаар хоёр мянган өдрийг өнгөрөөсөн
Өнгөрснөө мартан урагш тэмүүлэн
Өөр хэн нэгнийг хайн ол гэж найз минь зөвлөдөг ч
Өөр хэний ч биш чиний л төлөө гэвэл
Өвдөлтийг ч би тоохгүй өөр хоёр мянган өдөр ч надад бол юу ч биш . 2008.12.20 00:30
